Районный конкурс чтецов поэзии "Сылнымут пайрем"

Сылнымут – тунам поэзий, кунам тудым лудат, да чонет мура.

25 октябрьыште Кужэҥер рӱдӧ книгагудын залыштыже «Сылнымут пайрем» почеламут лудмо конкурс эртен.
Почеламутым сылнын лудын мошташ, калыкын чонжым тарваташ кугу талант кӱлеш. Тыгай талантан тунемше ден кугыеҥ-влак Кужэҥер кундемысе поэт-влакын возымо сылнымутыштым книгагудышко лудаш погыненыт. Чылаже 20 лудшо шке мастарлыкшым ончыктен.
Залыште Чалай Васлийын, Василий Регеж-Гороховын, Геннадий Сабанцевын, Альбертина Иванован, Алексей Петровын, Андрей Гориновын, Николай Золотарёвын, Тимофей Петуховын, Никифор Киселёвын сылнымутышт йоҥгеныт. Лудшо-влак тӱрлӧ темылан почеламут-влакым шелгалтареныт. Кӧ ава деке але шочмо ял деке йӧратымашым почеламут корныла гоч почын пуэн, кӧ мотор пӱртӱсын поянлыкше, йоча жап да школ нерген каласкален. Сар нергенат почеламут йоҥген. Геннадий Сабанцевын «Школ пакчаште» почеламутшо шыргыжалаш таратен гын, а Ираида Степанован «Шочмо ялемлан» погынышо-влакын кумылыштым тодылын. Кажне лудшыеҥ шке йӧратыме почеламутшо дене палдарен, ойлышаш шомакшым каласен коден.
Конкурсышто участвоватлыше-влак кум тӱшкалан шелалтыныт: 10-14 ий, 15-35 ий да 36 ияш да кугурак ийготан-влак. Нунын мастарлыкыштым жюри аклен.
Жюрин аклымыж почеш сеҥыше радамыш логалыныт:
10-14 ий коклаште:
1-ше вер – Куклина Анна
2-шо вер – Поликарпова Дарина
3-шо вер – Щербакова Ангелина
15-35 ий коклаште:
1-ше вер –Ефимова Елизавета
2-шо вер – Сорокина Анастасия
3-шо вер – Герасимов Евгений
36 да кугурак ийгот коклаште:
1-ше вер – Мокеева Ольга
2-шо вер –Петрова Наталия
3-шо вер –Иванова Светлана

Конкурс творческий шӱлыш дене эртен. Сеҥыше-влакым уло кумылын саламлена! Лудшо-влакым конкурслан ямдылаш полшымыштлан ме нунын наставник-влакыштлан таум ыштена.
Вес ганат тыгай вашлиймашыш пагален ӱжына!

********************
В рамках проекта «Голоса малой родины», который направлен на популяризацию как литературного наследия, так и творчества современных писателей Республики Марий Эл, привлечение к чтению широких слоев населения, 25 октября в центральной библиотеке состоялся конкурс чтецов поэзии «Сылнымут пайрем» (Литературный праздник).
В чтении стихов есть свои особенности, свои тайны. Способность максимально вжиться в образ, проникнуться мироощущением автора нужен талант. Такие талантливые участники собрались в центральной библиотеке, чтобы озвучить стихотворения поэтов Куженерского района на марийском языке.
В зале прозвучали стихотворения Чалая Васлий, Василия Регеж-Горохова, Геннадия Сабанцева, Альбертины Ивановой, Алексея Петрова, Ираиды Степановой, Тимофея Петухова, Николая Золотарева, Андрея Горинова, Никифора Киселева. Кто – то рассказывал про маму, кто-то - про красивую природу, а кому- то по душе были стихи про школьные годы, про любовь. Не каждый конкурсант смог справиться с волнением, и все-таки многие приятно поразили слушателей. Каждый участник вложил в свое исполнение частичку души, и мы, организаторы, благодарны им за это. Выступления участников получились живыми, яркими и запоминающимися.
Литературный праздник проводился по трем возрастным категориям: 10-14 лет; 15-35 лет; 35 лет и старше. За выступлениями участников конкурса следило жюри. После длительного обсуждения жюри огласило результаты. Все победители были награждены дипломами и призами. Победителями стали:
среди 10-14 лет:
1 место - Куклина Анна, 2 место-Поликарпова Дарина, 3 место-Щербакова Ангелина
среди 15-35 лет:
1 место - Ефимова Елизавета; 2 место-Сорокина Анастасия; 3 место-Герасимов Евгений
среди 36 лет и старше:
1 место - Мокеева Ольга; 2 место-Петрова Наталия; 3 место - Иванова Светлана
Слова благодарности говорим наставникам чтецов, которые подготовили их к конкурсу.
От всей души поздравляем всех участников за участие в конкурсе чтецов, за их огромный труд и талант!